გადასვლა ,,კულინარიის” მთავარ გვერდზე

ცომისთვის საჭირო ინგრედიენტები:

4 ჭიქა ფქვილი,
1 ჩაის კოვზი მარილი,
1 ჩაის კოვზი შაქარი,
2 კვერცხი,
1,5 ჭიქა წყალი,
3-4 სუფრის კოვზი მზესუმზირის ზეთი.

მომზადება: გავთქვიფოთ კვერცხი, დავამატოთ წყალი, ზეთი, მარილი, შაქარი და ბოლოს, ფქვილი, მოვზილოთ ნაზი ცომი და გავაჩეროთ 30 წუთი.

ფარშის მოსამზადებლად საჭიროა:

1 კგ ხორცი (უმჯობესია ღორის),
3-4 თავი ხახვი,
3-4 კბილი ნიორი,
1 ჭიქა რძე.

მომზადება: ხორცი, ხახვი და მწვანილი გავატაროთ ხორცის საკეპ მანქანაში. დავამატოთ მარილი და წიწაკა და დავასხათ რძე, ფარში უნდა იყოს სველი.

ცომს დავამატოთ 3-4 სუფრის კოვზი მზესუმზირის ზეთი, ხელებზე რომ არ მიგვეკრას. ცომს ვაძლევთ ძეხვის ფორმას და ვჭრით თანაბარ ნაჭრებად. შემდეგ ვაბრტყელებთ 5 მმ სისქეზე.

ჩავდოთ ხორცის ფარში, გადავკეცოთ და ზედმეტი ნაწილები შემოვაჭრათ.

ტაფაზე დავასხათ საკმარისი რაოდენობის ზეთი, ისე, რომ ჩებურეკი ტივტივებდეს და შევწვათ ორივე მხრიდან. შეწვას სჭირდება 2-3 წუთი.