გასუფთავებული, გარეცხილი თევზი ნახევრად მოვხარშოთ და მერე შევწვათ.წმინდად დავნაყოთ ნიგოზი ნიორთან და ყვითელ ყვავილთან ერთად და გამოვხადოთ ზეთი. ცალკე დავნაყოთ ქინზძის თესლი, წიწაკა, ქონდარი, ნედლი ოხრახუში, ცოტა მარილი და კარგად ავურიოთ დანაყილ ნიგოზში, გავხსნათ ძმარში და თევზის ბულიონის ზედაპირიდან მოხდილ სიმსუქნეში. ბულიონი ჩავასხათ სუფთა ქვაში, დავუმატოთ წვრილად დაჭრილი ხახვი, დავდგათ ცეცხლზე და მივიყვანოთ ადუღებამდე. შემდეგ გადმოვდგათ ცეცხლიდან და ავურიოთ შიგ კარგად გათქვეფილი კვერცხის გული. შემწვარი თევზი ლარნაკზე მოვათავსოთ და დავასხათ ზედ ცხელი საცივი, როცა შეგრილდება, სუფრაზე მიტანის წინ, მოვასხათ ნიგვზიდან გამოხდილი ზეთი.
მასალა:
თევზი-1კგ
კვერცხის გული-3კვერცხის
ნიგოზი-1,5 ჩაის ჭიქა
ქონდარი-ოხრახუში-2-2ძირი
ძმარი-0,5ჩაის ჭიქა
ხახვი-4-5თავი
ნიორი-2კბილი
ქინძი, წიწაკა, მარილი-გემოვნებით.
…
წყარო: http://www.mzareuli.com/