სოკოს წვნიანი შეჭამანდი

საჭმელად ვარგისი სოკო (ან ხმელი სოკო) გავარჩიოთ, კარგად გავრეცხოთ ცივ წყალში და დავდგათ მოსახარშად. როცა კარგად მოიხარშება, გავწუროთ, დავჭრათ თხლად, ასანთის ღეროების მსგავსად. კარაქში მოვშუშოთ დაკეპილი ხახვი, ათი წუთის შემდეგ დავაყაროთ დაჭრილი სოკო და კიდევ ვშუშოთ.

შემდეგ დავასხათ ბლომად სოკოს ნახარში. ადუღებისას ჩავუმატოთ სოკოს წვენში გახსნილი გაცრილი სიმინდის თეთრი ფქვილი. შევაზავოთ დანაყილი ნიოგოზით, ახალი ქინძით, კამით, ოხრახუშით, წიწაკით, ნიორით, მარილით.

მასალა:

სოკო – 500 გრამი

კარაქი – 30 გრამი

ნიგოზი – 200 გრამი

ხახვი – 2-3 თავი

სიმინდის ფქვილი – 3 სუფრის კოვზი

მწვანილი, ნიორი, წიწაკა, მარილი – გემოვნებით

წყარო: http://www.mzareuli.com/

Share on Facebook
Facebook
Share this...