გასუფთავებულ, გარეცხილ ვარიას ჩავუწყოთ მუცლის ღრუში შიგნეული და ფეხები, მოვაყაროთ მარილი, წამოვაგოთ შამფურზე და შევწვათ ნაკვერჩხალზე. შამფური ნელა ვატრიალოთ და ხანგამოშვებით წავუსვათ გამდნარი კარაქი (ვარია შეიძლება შეიწვას ჩვეულებრივ ტაფაზეც – ტაბაკად). როცა მზად იქნება დავჭრათ, ჩავაწყოთ ღრმა ჭურჭელში და ზემოდან დავასხათ მზა ბაჟა, რომელიც შემდეგნაირად კეთდება: ნიგოზი, პიტნა, ქინძი, კამა, წიწაკა დავნაყოთ ერთად, რაც შეიძლება წმინდად. ყველაფერი ეს გავხსნათ ბროწეულის წვენში, მივუმატოთ დაკეპილი ხახვი, მარილი; ცოტა ხნით დავახუროთ სახურავი. სუფრაზე მივიტანოთ იმავე ჭურჭლით.

მასალა:

ვარია

ნიგოზი – 100 გრამი

მწვანილი, ბროწეულის წვენი, ხახვი, მარილი – გემოვნებით

…

წყარო: http://www.mzareuli.com/